«Tanystyrý», «Taǵylymdy tarıh», «Egemen Qazaqstan bolashaqta», «Ulttyq basylym – ulttyq til» kezeńderi boıynsha baqtaryn synady.
Keshe О́skemende «Egemen Qazaqstan» gazetiniń 100 jyldyǵyna oraı «Ulttyq basylym – ulttyq til» atty oblystyq baıqaý ótti. Oblystyq Tilderdi damytý jónindegi basqarmanyń uıymdastyrýymen ótken saıysqa óńirimizdegi bes oqý ornynyń stýdentteri qatysyp, «Tanystyrý», «Taǵylymdy tarıh», «Egemen Qazaqstan bolashaqta», «Ulttyq basylym – ulttyq til» kezeńderi boıynsha baqtaryn synady.
Saıys qorytyndysynda О́skemendegi D.Serikbaev atyndaǵy Shyǵys Qazaqstan memlekettik ýnıversıtetiniń «Kók túrik» komandasy Alǵys hatpen marapattalsa, Semeı medısına ýnıversıtetiniń «Dostar» komandasy 3 oryndy ıelendi. Júldeli 2 oryn Semeıdegi M.Áýezov atyndaǵy pedogıkalyq kolledjdiń «Rýhanııat» komandasyna buıyrsa, 1 oryndy Qazaqstan-Amerıka Erkin ýnıversıtetiniń «Ushqyn» komandasy qanjyǵasyna baılady. Bas júldeni Sársen Amanjolov atyndaǵy Shyǵys Qazaqstan memlekettik ýnıversıtetiniń «Altaı aqparat» komandasy jeńip aldy. Jeńimpazdar men júldegerlerdiń barlyǵyna basqarma atynan baǵaly syılyqtar tapsyryldy. «Baıqaýdyń aty aıtyp turǵandaı ulttyq basylym, ulttyq til bir uǵymdar. «Egemen Qazaqstan» gazeti men memlekettik til egiz uǵym desek artyq aıtpaımyz. Basylym til tazalyǵyna árdaıym mán beredi. Kóp gazetter osy basylymǵa qarap boı túzeıdi.
Gazettiń bir ǵasyrlyq tarıhy úlken, maǵynaly, mándi tarıh. Oblystaǵy memlekettik til saıasatyn júzege asyryp otyrǵan basqarma bolǵandyqtan mereıli datany eskerýsiz qaldyrýdy jón kórmedik. Sharany Jastar jyly aıasynda stýdent jastardyń arasynda uıymdastyrýdy uıǵardyq» deıdi basqarmanyń bólim basshysy Sáýle Qalıǵazına.
О́SKEMEN